灣仔抵食自助餐

就黎父親節啦, 為左慶祝呢個節日, 我帶左阿爸黎呢間酒店食自助晚餐。佢既自助晚餐係由六點半開始, 餐廳既環境唔算太大, 好多食物都集中喺一區, 所以唔駛走黎走去。而且, 其實一眼就已經可以睇哂所有食物。食物種類都算多, 有冷盤、燒味、粉麵、刺身壽司、熟食例如飯、河粉、炒菜、蒸魚。另外, 甜品方面, 我認為餐廳既款式同選擇都好多。琴晚既甜品有綠茶蛋糕、芝士蛋糕、馬卡龍、班蘭蛋糕、豆腐花等等, 仲有雪糕。重點既係雪糕係採用movenpick雪糕, 可以任食, 我都食左三球士多啤梨味既movenpick雪糕！

刺身選擇有幾款, 我揀左八爪魚、吞拿魚同三文魚。我認為三文魚好鮮甜肥美, 但吞拿魚刺身則有少少硬同有雪櫃既味道。

肉類方面, 燒牛舌同羊架都好好食。羊架挺多汁, 肉質都算鮮嫩。厚切牛脷爽口, 而且醬汁好惹味。


   
到甜品方面, 我差吾多試哂餐廳所有既甜品。我最喜歡既係班蘭蛋糕、馬卡龍同movenpick雪糕。
馬卡龍有唔同既顏色, 我鐘意食粉紅色, 嗰粒應該係紅桑莓既味道, 帶點酸酸甜甜的。班蘭蛋糕既斑蘭味好香, 蛋糕鬆軟。
呢度既服務效率唔錯, 幾高， 每一次食完碟上既食物，店員都好快甘幫我地收拾碟子。